Өткен жылы Қазақстанның сыртқы тауар айналымы 34,1%-ға өсіп, 110,6 млрд АҚШ долларына жетті. Бұл туралы Сауда және интеграция министрі Серік Жұманғарин ведомство алқасының кеңейтілген отырысында мәлімдеді, деп хабарлайды Egemen.kz.
«2022 жылдың 10 айының қорытындысы бойынша Қазақстанның сыртқы тауар айналымы өткен жылдың сәйкес кезеңімен салыстырғанда 34,1%-ға ұлғайып, 110,6 млрд долларды құрады», деді Серік Жұманғарин.
Министр Еуразиялық экономикалық одақ аясындағы тауар айналымы 23 млрд АҚШ долларын құрағанын хабарлады.
«Бұл 2021 жылдың сәйкес кезеңімен салыстырғанда 7,5%-ға көп. Сондай-ақ кедендік әкелу баждарының сомасын бөлмеу мүмкіндігі мақұлданды. Оның арқасында үнемдеу болжамы 100 миллион доллардан асты, экспорттық өсу болжамы - 500 млн доллар. Бір жыл ішінде серіктес елдермен 6 жоба іске асырылды», деп толықтырды Серік Жұманғарин.