Футзалдан Қазақстан чемпионатының кезекті тур ойындары өз мәресіне жетті. Бұл турдың басты сенсациясын Оралдың «Бәйтерек» командасы жасады.
Турнир кестесінің бел ортасында келе жатқан Оралдың «Бәйтерегі» былтырғы Қазақстан біріншілігінің күміс жүлдегері, Чемпиондар лигасында өнер көрсетіп жүрген Рудныйдың «Аят» клубын алғашқы ойында 5:4 есебімен жеңіп, кішігірім сенсация жасаған еді. Дегенмен ертеңіне өткен қарымта матчта «Аят» қарсыластарынан есе қайтарды – 4:0. Ал ел чемпионы – «Қайрат» екі матчта да «Ордабасыны» 9:1, 9:0 есебімен сүріндірді.
22-23-тур матчтарынан кейін Алматының «Қайраты» 54 ұпаймен турнир кестесінде көш бастап тұр. Екінші орындағы «Аяттың» еншісінде 20 матчтан кейін 46 ұпайы бар. Кейінгі орындарға «Рахмет» (32 ұпай), «Ақтөбе» (29), «Атырау» (28), «Бәйтерек» (24), «Ордабасы» (20), «Астана» (19), «Каспий» (19) және «Жетісу» (8) жайғасқан.