16 қаңтар күні Целиноград ауданына қарасты ауылдардың бірінде тұратын 36 жастағы тұрғынның 16 жастағы жиені үйден кетіп, қайта оралмаған, деп хабарлайды Egemen.kz ІІМ-ге сілтеме жасап.
16 жастағы қыз және оның ағасы мен інісі 36 жастағы әйел адамның қамқорлығында.
Әйел жасөспірім қыздың WhatsApp мессенджері арқылы байланысқа шығып, өзінің Астанада екенін айтқан. Іздестіру іс-шараларының нәтижесінде жедел қызметкерлер кәмелетке толмаған қыздың аудан аумағынан кетпегенін анықтады.
«Қыз осы уақыт бойы осы ауылда тұратын құрбысының үйінде болғаны белгілі болды. Полиция жасөспірімді үйіне қайтарды», деп жазылған хабарламада.