Оралда жан түршігерлік жол апатынан 33 жастағы Audi жүргізушісі оқиға орнында көз жұмды, деп хабарлайды Egemen.kz.
5 ақпан сағат 02:30 шамасында Орал қаласы Әбілқайырхан даңғылында Toyota Camry автокөлігін тізгіндеген 28 жастағы жүргізуші 33 жастағы жүргізушінің басқаруындағы Ауди-80 автокөлігіне соқтығысқан.Жол апаты салдарынан Audi жүргізушісі алған жарақаттарынан оқиға орнында көз жұмды. 2003 жылғы Toyota жүргізушісі мен жолаушы ауруханаға жеткізілді.Аталған фактіге қатысты ҚР ҚК 345-бабы 3-бөлігі бойынша сотқа дейінгі тергеу амалдары басталды.