Түркияның шығыс аймағында магнитудасы 5,2 болатын тағы бір жер сілкінісі болды, деп хабарлайды Egemen.kz.
Еуропа-Жерорта теңізі сейсмологиялық орталығының сайтында жарияланған ақпаратқа сәйкес, жер асты дүмпулері жергілікті уақыт бойынша таңғы сағат 9-да тіркелген. Жер сілкінісінің ошағы 5 шақырым тереңдікте болды.
Сейсмологтар жер сілкінісінің күшін 5,2 балл деп бағалады. Жаңа жер сілкінісінен зардап шеккендер туралы әзірге ақпарат жоқ.
Бүгін Түркиядан бөлек Қытай мен Қырғызстан шекарасында да екі рет жер сілкінді. Жерасты дүмпулері Тәжікстанда сезілді.