ҚР Премьер-министрі Әлихан Смайылов орталық мемлекеттік органдар, Ұлттық Банк және «Бірыңғай жинақтаушы зейнетақы қоры» АҚ басшылығының қатысуымен Экономикалық саясат жөніндегі кеңес отырысын өткізді, деп хабарлайды Egemen.kz.
Қатысушылар банк секторының қаржылық тұрақтылығының кейбір мәселелерін, атап айтқанда мемлекеттік қолдау шаралары көрсетілген банктердің жұмысын талқылады.
Бұдан басқа бағалы қағаздар нарығындағы бәсекелестікті дамыту, республиканың зейнетақы жүйесінің тұрақтылығын қамтамасыз ету жөніндегі шаралар, сондай-ақ Мемлекеттік әлеуметтік сақтандыру қоры мен Әлеуметтік медициналық сақтандыру қорының тиімділігін арттыру жөніндегі жоспарлар қаралды.