Қаңтар оқиғасына байланысты күдікті деп танылған Серік Күдебаевтың ауруханаға түскені белгелі болды, деп хабарлайды Egemen.kz.
Серік Күдебаевтың ісін Талдықорған облыстық соты қарап жатыр. Ол Қылмыстық кодекстің 370-бабының 4-бөлігінің 1-тармағы «Ауыр зардаптарға әкеп соққан қызметтегі әрекетсіздік» бойынша сотқа тартылған.
Алматы облысы полиция департаментін басқарған азамат Қаңтар оқиғасынан кейін қызметінен босатылып, қылмысқа қатысы бар күдікті ретінде танылды.
Алайда оған қатысты сот үкімі әлі шыққан жоқ. Алдыңғы сот отырысында прокурор оны 9 жылға бас бостандығынан айыруды сұраған. Бірақ күдіктінің денсаулық жағдайына байланысты сот үкімі кейінге қалдырылып отыр.