Павлодар облысы Ақсу қаласының маңында жол апаты болып, 2 жасар бала көз жұмды, деп хабарлайды Egemen.kz.
Оқиға 9 сәуір сағат 20:30 шамасында болған. Ақсу қаласының маңындағы Ленинский-Курчатов және Ақсу-Үштерек автожолдарының қиылысында Toyota Corona және Audi-80 автокөліктері соқтығысқан.
Апат салдарынан 2021 жылы туған Audi-80 автокөлігінің 2 жасар жолаушысы оқиға орнында алған жарақаттарынан жан тапсырды.
Audi-80 жүргізушісі, 29 жастағы және 28 жастағы жолаушылар жарақат алып, Ақсу қаласының ауруханасына жатқызылды.
Автокөліктер айып тұрағына қойылды.