Ұлттық музейдің жаңа екі залы

Ашылу салтанатына Мәде­ниет және спорт министрі Асхат Оралов, респуб­лика­лық және облыстық музей басшы­лары, ғалымдар мен қоғам қайрат­кер­лері қатысты.

«Қолөнершілер орталығын­да» елі­міздің заманауи шебер­лері жасаған үздік сәндік-қолдан­балы өнер туындылары жұрт­шы­лық назарына ұсынылды. Ұлы Жі­бек жолы бойындағы кө­не шаһарлардың көркем үлгі­сімен жасалған ор­та­лыққа келген қонақтар қолөнер бұйым­дарын тамашалап, ұнаған туындыларды сатып алуға мүмкіндік алды.

Ал «Палеонтология» залында Қазақ­стан аумағынан табыл­ған тираннозавр, үш саусақты гиппарион жылқысы, үлкен мү­йізді бұғы, алып мүйізтұмсық (индрикотерий), мамонт секілді ежелгі та­рихқа дейінгі кезең жануарлары мен па­леонтолог­тар, геологтар тапқан басқа да тір­шілік иелерінің қаңқалары жи­нақталды. Заманауи ақпа­рат­тық құ­ралдармен жабдық­талған орта­лықты даярлау барысында Париждегі Палеонто­ло­гия музейінің, Лондон мен Берлиндегі Жаратылыс­тану музейлері се­кілді әлемдегі ал­дың­ғы қатарлы орта­лықтардың тәжірибелері ескеріліпті. Соны­мен қатар залдың ғылыми тұ­жы­­­рымдамасын дайындауға отан­­дық және шетелдік танымал па­леонтолог ғалымдар тартылған.

«Палеонтология залы мен қол­­өнер шеберлері орталығы­ның ашы­луы – Ұлт­тық музей үшін ғана емес, бүкіл еліміз үшін ма­ңызды оқиға. Бірегей экспозиция келушілерге біздің зама­нымызға дейінгі еліміздің тарихын көрсетіп қана қоймай, отандық палеонтология үшін маңызды орынға айналатыны­на сенімдімін. Ал қолөнер ше­бер­лерінің орталығы біздің сурет­шілерімізге ұлтымыздың бай мәде­ниеті туралы мәлімдеме жасауға, сәндік-қол­данбалы өнер шеберлеріне өзара тәжі­рибе ал­масуға мүмкіндік береді және жал­пы елімізде музей марке­­тин­гі мен менедж­ментін дамыту­ға қызмет етеді», деп атап өтті Асхат Оралов.