Екінші ойында есе жіберді

Жерлестеріміз алғашқы тур­да Норвегия құрамасын бул­лит сериясында тізе бүк­тіріп, жігерлі жеңіске жеткен соң жан­­күйерлер Ғалым Мәм­бе­та­лиев­тің шәкірттерінен ке­лесі матч­­та да тәуір нәтиже күткен еді.

Алайда отандастарымыз 1998 жылғы Олимпиада чем­пионы, былтырғы әлем бірін­ші­лігінің қола жүлдегерінен же­ң­ілді. Алғашқы кезеңде Чехия хоккейшілері екі мәрте Андрей Шутов қорғаған қақпадан са­ңы­лау тапты. 9-минутта Якуб Збор­жил кездесудің есебін ашса, 16-минутта Доминик Кубалик сан басымдығын жүзеге асырып, таблодағы көрсеткішті 2:0-ге жеткізді.

Екінші айналымда жерлес­­­теріміз қарқынын арттыр­ға­нымен, Чехия құрамасының қақпасына шайба соға алмады. 30-минутта ойынның бас төрешісі біздің қақпаға буллит белгілегенімен, оны Доминик Кубалик голға айналдыра алмады. Жалпы, екінші кезеңде Андрей Шутов белсенді ойнап, қақпасына бірде-бір шайба да­рытқан жоқ. Есесіне, 32-минут­та Максим Мұхаметов мер­ген­дігімен көзге түсіп, есеп айыр­­масын қысқарта білді.

Үшінші 20 минуттықта да жер­лестеріміз шайба соғып, ой­ынды овертаймға дейін ұлас­тыратын мүмкіндігі бол­ған еді. Бірақ көп хоккейші­­міз әлем чемпионатына, ха­лықаралық деңгейдегі жарыс­тарға алғаш рет қатысып жат­қандықтан ба екен, жалпы жиі қателікке бой алдырып, дө­рекі ойнады. Нәтижесінде, хок­кейшілеріміз бірінен соң бірі екі минуттық айыппен жазаланып, қарсыластардың басымдығын пайдалануына мүмкіндік беріп қойды.

Соңғы кезеңде біздің қақ­паға соғылған үш шайбаның екеуін Чехия құрамасы сан ба­сымдығын пайдаланып соғып кет­ті. Кезең басталған бетте Лу­каш Седлак дәлдік танытса, ара­да төрт минут өткенде Ян Кош­талек Чехияның төртінші шай­басын соқты. Ал бәсекенің аяқ­талуына бір минут қалғанда До­миник Кубалик дубльдің авторы атанып, ойынның нүктесін қойды – 5:1.

В тобында Швейцария, Ка­нада, Чехия, Словакия, Нор­вегия, Латвия және Словения құра­маларымен бақ сынап жат­қан жерлестеріміз бүгін екі ойында 6 ұпай жинап, турнир кестесінде көш бастап тұрған Швейцариямен кездеседі.