Салтанатты қақпадан Ә.Кекілбаев көшесіне дейін Мәңгілік Ел даңғылында жол жөндеу жұмыстары жүргізіледі, деп хабарлайды Egemen.kz елорда әкімдігіне сілтеме жасап.
Көлік және жол-көлік инфрақұрылымын дамыту басқармасының ақпараты бойынша, 27 мамырдан 4 маусымға дейін Салтанатты қақпадан Ә.Кекілбаев көшесіне дейінгі учаскеде автокөлік құралдары үшін қозғалыс ішінара жабылады.
«Елорда тұрғындары мен қонақтары қала жолдарында кептеліс болдырмас үшін қозғалыс бағытын алдын ала жоспарлауы қажет», делінген хабарламада.