«Әмен ағаның бәйтерегі»

Іс-шараға отандық анима­ция­ ардагер­ле­рі мен қазақ ани­ма­циясының дамуына елеулі үлес­ қосқан отандық мәде­ниет қайраткерлері жиналды.­ Көпшілік назарына 1967 жылы жарық көрген қазақ мульти­пликациясының алғашқы туын­дысы «Қарлығаштың құйрығы неге айыр?» фильмінің цифрландырылған нұсқасы ұсынылып, арнайы көрме ұйым­дас­тырылды. Көрмеге анимация­ атасының өзі тұтынған бұйым­да­ры, шы­ғар­машылығына пай­да­ланған жеке заттары қойылды.

Әмен Қайдар – қазақ ани­ма­циясының негізін қалаушы. Ол Кине­матографистер одағының хат­шысы, кейін Суретшілер ода­ғының төрағасы қызметін ат­қарды. «Құрмет белгісі», «Па­ра­сат» орденінің, III дәрежелі «Ба­рыс» орденінің, «Алтын Адам»­ сыйлығының иегері, Қазақ КСР­ Мемлекеттік сыйлығының лау­реаты.

Қазақ мультипликациясының та­рихы қоюшы-режиссер Әмен Қай­дардың 1967 жылы түсірген «Қар­лығаштың құйрығы неге айыр?» атты тұңғыш фильмінен бастау алды. Мультфильм 48 елде көрсетіліп, Ленинградтағы ІІІ Бүкілодақтық кинофестивальдің лауреаты атанып, мультфильмдер кинофестивалінде құрметті орынға ие болды. Сондай-ақ Әмен Қайдардың танымал ани­ма­циялық жұмыстары қатарында «Ақсақ құлан», «Құйыршық», «Қо­жанасыр – құрылысшы», «Күн­ шағылысы», «Сиқырлы кілем» мульт­фильмдері бар.

Өткен жылы қазақ анимация­сы­на 55 жыл толды. Осы жылдар ішінде екі жүзге жуық мульт­фильм түсіріліп, отызда­н астам анимациялық студия өмірге келді. 2018 жылы анимациялық киностудиялар қауымдастығы құрылып, өз кезегінде бұл ұйым рухани-мәдени маңызы бар игілікті іс-шаралардың басынан табылды. Соның ішінде жыл са­йын ұйымдастырылатын Халық­ара­лық «Amen animation film festival» айрықша орын алады.

Сонымен қатар қазақ анима­ция­лық кино өнерінің атасы Әмен Қайдардың туғанына бір ғасыр, яғни 100 жыл толуы­на­ орай «Қазақанимация» шы­ғар­ма­шы­лық бірлестігінде Мәдениет және спорт ми­нистрлігінің тапсырмасымен, Ұлттық киноны қолдау мем­­лекеттік орталығының қол­да­уы­мен түсірілген «Әмен ағаның бәй­терегі» атты қысқаметражды мульт­фильмінің алғашқы көрсе­ті­лімі өтті.

АЛМАТЫ