Талдықорғанда есірткі саудасымен айналысқан күдікті ұсталды, деп хабарлайды Egemen.kz POLISIA.KZ Telegram арнасына сілтеме жасап.
Күдікті сауда және ойын-сауық орталықтарының бірінде ұсталды.
«Жеке тінту кезінде және тұрғылықты жерінде ұсталған ер адамнан ерекше иісті ақ түсті ұнтақ заты бар екі бума тәркіленді. Сондай-ақ белгісіз маркалы тапанша табылды», деді Жетісу облысы ПД ЭҚІҚБ бастығы Болат Болысбеков.
Ұсталған азамат УҰИ-ға қамалды. ҚР ҚК-нің 297-бабы бойынша тергеу амалдары басталды. Тәркіленген зат пен қару бойынша тиісті сараптамалар тағайындалды.