Сербияның Нови-Сад қаласында спорттық және жауынгерлік самбодан ерлер мен әйелдер арасында әлем кубогі өтті. Бозкілем бəсекесінде Қазақстан ерлер құрамасы 3 алтын, 5 күміс, 5 қола медаль жеңіп алды, деп хабарлайды Egemen.kz.
Спортты дамыту дирекциясы жеңіс тұғырынан көрінгендердің тізімін жариялады:
Спорттық самбодан 58 кг салмақта Елемесов Әділет 2-орын, 71 кг салмақта Қуатай Арнұр 1-орын, Бейбіт Ғазиз 3-орын, 88 кг салмақта Қойшыбаев Еламан 1-орын, 98 кг салмақта Зекенов Əлібек 3-орын алды. Жауынгерлік самбодан 58 кг салмақта Тұрымбетов Арман 2-орын, Уалиев Мирас 3-орын, 64 кг салмақта Есей Жарас 3-орын, 71 кг салмақта Радионов Виталий 2-орын, 79 кг салмақта Жұмағалиев Жалғас 3-орын, 88 кг салмақта Бобоев Ахмат 2-орын, 98 кг салмақта Абдулла Асқар 2-орын, +98 кг салмақта Жиентаев Талғат 1-орын иеленді. Айта кетсек, әлем кубогіне еліміздің әйелдер құрамасы қатысқан жоқ. Барлығы ерлер және әйелдерден 16 елдің 108 спортшысы қатысты.