Қазақстан құрамасы стенд атудан Алматыда өтіп жатқан әлем кубогі кезеңіндегі алғашқы медалін жеңіп алды. Әсем Орынбай жеңіс тұғырының ең биік сатысына көтеріліп, әйелдер арасындағы «скит» жаттығуында топ жарды, деп жазады Egemen.kz.
Финалда ол 33 ұпай жинап, биыл командаласы Адель Садақбаева тіркеген әлем рекордын қайталады.
Мергендердің тамаша жетістігі
Қытайлық Итин Цзян 30 ұпаймен күміс жүлдеге ие болды. Ал Италия өкілі Мартина Бартоломей 27 ұпай жинап, үздік үштікті түйіндеді.
Айта кетейік, Алматыдағы Әлем кубогі кезеңі 4 мамырда басталды, 11 мамырда аяқталады. Жарыс Александр Асанов атындағы клубта өтіп жатыр.
Мергендер мерейі