Жастар – ел болашағы. Осы орайда елімізде өскелең ұрпақтың игілігіне жасалып жатқан іс-шаралар көңіл қуантады.
Жолдаудан әрбір адамның көкейінде жүрген мәселелерді қамтыған, мемлекеттің дамуы мен халқымыздың өміріне әсер ететін біршама жаңашылдықты сезіндік. Өйткені Мемлекет басшысы ел дамуындағы барлық маңызды деген мәселелерді атап айтып, шешу жолдарын да ұсынды. Президент Жолдауда ең төменгі айлықтың 85 мың теңгеге өсетінін хабарлап, азық-түлік бағасын ерекше қадағалауды тапсырды. Бұл – халықтың әлеуметтік жағдайын жақсартуға жасалған маңызды қадамдардың бірі.
Дені сау, білімді ұрпақ – мемлекеттің қазынасы мен жарқын келешегінің кепілі. «Жайлы мектеп» секілді игі бағдарламалар елдің болашағына зор үлес қосатын, мықты әрі білімді жастарды даярлайтын орта болатынына сенімдімін. Бұл – болашағымыздың жарқын кепілі. Сондықтан да бұқаралық спорт пен ғылымды дамыту туралы ойлары да халықтың көңілінен шығатынына сенім мол.
Сонымен қатар Президент ел азаматтарын, атап айтқанда, жастарды Отанымыздың алдында адал қызмет етуге, абыройлы іс жасауға, тоғышарлықтан арылып, ерінбей еңбек етуге шақырды.
Аллаберген ҚОНАРБАЕВ,
Маңғыстау облыстық
мәслихатының депутаты