Қытайдың Ханчжоу қаласында өтіп жатқан жазғы Азия Пара ойындарында жүзудің комплекстік эстафета сайысынан қола медаль бұйырды, деп хабарлайды Egemen.kz Туризм және спорт министрлігінің баспасөз қызметіне сілтеме жасап.
Пара жүзушілеріміз Зүлфия Ғабидуллина, Сиязбек Далиев, Наталья Звягинцева, Айсұлтан Құлқаев төрттігі 4х50 метр қашықтыққа аралас комплекстік эстафетада көмбеге 3:03.74 уақытта жетіп, қола жүлдені олжалады. Азия Пара ойындарының алтын медалін Қытай командасы, күміс жүлдені Жапония спортшылары иеленді.