Бүгін, 26 қазанда Жамбыл облысы аумағында, Алматыдан батысқа қарай 482 шақырым жерде жер сілкінісі тіркелді, деп хабарлайды Egemen.kz.
Жер сілкінісі шамамен 5 шақырым тереңдікте Айша-Бибі ауылына жақын жерде болған.
«СТӘЭ» ұсынған ақпаратқа сәйкес, сейсмикалық станциялар желісі 26 қазанда Астана уақыты бойынша сағат 11:38-де жерасты дүмпулерін тіркеді.
«Жер сілкінісінің эпицентрі Алматыдан батысқа қарай 482 шақырым жерде Қазақстан аумағында орналасқан. Жер сілкінісінің энергетикалық класы – 9,6, магнитудасы – 4,5», делінген ТЖМ хабарламасында.Сейсмологтар жер сілкінісі елімізде сезілмегенін хабарлады. Бірақ Тараз қаласының тұрғындары жерасты дүмпулері сезілгенін айтып отыр.