22 қазан – 2 қараша аралығында Оңтүстік Кореяның Чангвон қаласында спорттық оқ атудан Олимпиадаға жолдама үлестіретін Азия чемпионаты өтіп жатыр.
Дүбірлі додада жерлесіміз Арина Алтухова келер жылы Парижде өтетін Олимпиаданың жолдамасын жеңіп алды.
Азия чемпионатында А.Алтухова тапаншамен оқ атуда 590 ұпаймен финалға шықты. Нәтижесінде, Арина 5-орынды иеленіп, Олимпиада квотасына қол жеткізді. Спорттың бұл түрінде 2 жолдама сарапқа салынған болатын.
Азия біріншілігінде 24 лицензиясы ойнатылады. Жарысқа 30 елдің 800-ден астам спортшысы қатысып жатыр.