Көкшетауда 10 жастағы бала сүндеттелгеннен кейін көз жұмды. Оқиға Ақмола облыстық көпсалалы балалар ауруханасында тіркелді, деп хабарлайды Egemen.kz.
БАҚ-та тараған дерекке қарағанда, операциядан кейін жасөспірім үйіне жіберілген. Алайда баланың денсаулығы нашарлап, екі күннен кейін қайта дәрігерге көрінген.
Алдын ала болжам бойынша, оның өліміне анафилактикалық шок себеп болуы мүмкін.
Осы облыстық көпсалалы балалар ауруханасында екі күн ішінде үш бала қайтыс болды. Олар түрлі сырқатпен диспансерлік есепте тұрған.