Парламент Мәжілісінің жалпы отырысында палата депутаттары «Қазақстан Республикасының кейбір заңнамалық актілеріне экологиялық таза көлікті насихаттау және электромобильдер инфрақұрылымын дамыту мәселелері бойынша өзгерістер мен толықтырулар енгізу туралы» заңды екінші оқылымда қабылдады, деп хабарлайды Egemen.kz.
Құжатты депутаттарға таныстырған Мәжілісмен Арман Қалықов заң жобасының мақсаты – электромобильдердің инфрақұрылымын дамыту екенін атап өтті.
Заң жобасы аясында ҚР Жер кодексіне, сондай-ақ «Қазақстан Республикасындағы жергілікті мемлекеттік басқару және өзін-өзі басқару туралы», «Қазақстан Республикасындағы сәулет, қала құрылысы және құрылыс қызметі туралы», «Автомобиль жолдары туралы», «Автомобиль көлігі туралы», «Электр энергетикасы туралы», «Ерекше қорғалатын табиғи аумақтар туралы» және «Жол жүрісі туралы» заңдарына өзгерістер мен толықтырулар енгізіледі.
Заң жобасының негізгі нормалары:
«электр көлігі» және «электр зарядтау станциясы» жаңа ұғымдарын енгізу; жолдарды жобалау кезінде, электр зарядтау станцияларын орналастыру үшін бөлек орындарды таңдау; электр зарядтау станцияларын жол бойындағы қызмет көрсету объектілеріне жатқызу және олар үшін бөлек орындар белгілеу; жобада электр зарядтау станцияларын орналастыру үшін аумақтың егжей-тегжейлі схемасын сақтау, оның ішінде оларды тұрғын және қоғамдық аумақтарда орналастыру; жергiлiктi атқарушы органдардың әуежайларда, вокзалдарда, 1 және 2 санаттағы стационарлық сауда объектiлерiнде, сауда базарларында, театрларда, цирктерде, кинотеатрларда, мәдени-демалыс ұйымдарында (жанындағы) электр зарядтау станцияларымен такси тұрақтарын ұйымдастыру және жабдықтау жөнiндегi функцияларын белгiлеу; сондай-ақ алаңдар, даңғылдар, көшелер, кварталдар;электр желілеріне шығу мүмкіндігі бар электр зарядтау станциялары бар автотұрақтардың ерекше қорғалатын аймағын жоспарлау жобасында орналастыру; электр көліктерін қою үшін арнайы бөлінген орындарды бөлу; электр көліктері иелерін тұрақ орындары үшін ақы төлеуден босату.
Қырмызы ЖҰМАҒАЛИҚЫЗЫ,
ЕҰУ студенті