Сенім грамотасын тапсырды

Қазақстан Республикасының Австриядағы елшісі, Қазақстанның Венадағы халықаралық ұйымдар жанындағы Тұрақты өкілі Қайрат Сарыбай Словения Республикасының Президенті Борут Пахорға Сенім грамотасын тапсырды. Кездесу барысында қазақ­стан­дық дипломат Словения басшысына Қазақстан Президенті Нұр­сұлтан Назарбаевтың сәлемін жет­кізіп, Астананың екі ел арасын­дағы инвестициялардың кеңеюіне мүдделілігін атап көрсетті. Сондай-ақ, словениялық компаниялардың қатысуы үшін тиімді алаң болып табылатын Астана қаласында өтетін халықаралық мамандандырылған ЭКСПО-2017 көрмесінің маңы­зы­на баса назар аударды. «Нұрлы Жол» Жаңа Эко­номи­ка­лық Саясат пен индустриялық-ин­но­вациялық бағдарламаның екінші кезеңі Словения компа­ния­ларының Қазақстанның индус­триялық жобаларына қатысуына жаңа серпін беруі ықтималдығы туралы айтылды. Өз кезегінде Б.Пахор Қазақ­стан Президентінің жылы лебі­зі­не ал­ғы­сын білдірді және Любля­на­ның Қазақстан-Словения қаты­нас­та­рына үлкен мән беретінін жеткіз­ді. Словения Президенті екі­жақты сауда-экономикалық ынты­мақ­тастық­қа жоғары баға беріп, оны дамытуда айтарлықтай әлеует­тің бар екен­ді­гін атап өтті. Ерек­ше назар екі ел арасындағы ғылы­ми және мәдени алмасулар мәсе­лелеріне аударылды. Кездесу соңында Словения Пре­зиденті Борут Пахор Қазақстан Пре­зи­денті Нұрсұлтан Назарбаевқа ізгі тілектерін білдіріп, елшіден Елба­сы­на ыңғайлы уақытта ресми сапармен Словенияға келуге шақыруын жеткізуді өтінді. «Егемен-ақпарат».