АСТАНА. 17 қаңтар. IBO Intercontinental нұсқасы бойынша ауыр салмақта чемпион болып табылатын қазақстандық Иса Ақбербаев ақпан айында Германияда титулды ұрыс өткізеді. Бұл туралы ВКонтакте желісіндегі дерекке сүйенген vesti.kz. хабарлады.
«Қазақстандық боксшы келесі шайқасын 28 ақпанда Гамбургте өткізеді», - делінген хабарламада.
Бірақ біздің былғары қолғап шебері қарсыласының есімі әзірге белгісіз. Ал жекпе-жектің өзі 12 раундтан тұрады.
Иса үшін бұл ұрыс оның кәсіпқойлар рингіндегі 16-шы мәрте шаршы алаңға шығуы болғалы тұр. Оның бір кездесуінің нәтижесі есептен шығарылып тасталған. Ал қалған 14 ұрыстың бәрін жеңіспен аяқтаған. Мұның 9-нда нокаутқа қол жеткізген.
Иса Ақбербаев өзінің соңғы жекпе-жегін өткен жылғы 11 желтоқсанда Мәскеуде өткізді. Онда Беларусь өкілі Игорь Караваевпен ұшырасып, қарсыласын екінші минутта-ақ іске алғысыз етіп тастады.
Дамир Қожамқұл.
Дерек, фото: vesti.kz.