Қайғылы оқиға Шығыс Қазақстан облысында болған, деп хабарлайды Egemen.kz,
Устинка LIVE басылымының хабарлауынша, қайғылы оқиға 2 шілдеде Черемшанка ауданында болған. Келіншек атқа мініп келе жатқан, жақын маңда тағы бір жылқы болған. Бір күн бұрын аймақта ауа-райы күрт нашарлап, жаңбыр жауып, найзағай ойнаған.
«Найзағай ат үстіндегі әйелге тиіп кеткен. Салдарынан келіншек көз жұмды», деп жазды Устинка LIVE.
ШҚО Полиция департаментінің баспасөз қызметі әйелдің қайтыс болу фактісі бойынша сараптама тағайындалғанын мәлімдеді.
Еске сала кетейік, 28 маусым күні Атырау облысы, Қызылқоға ауданы, Миялы ауылында Өзбекстан азаматын найзағай соғып, қайтыс болғаны белгілі болған еді.