Облыс прокуратурасы алимент төлеу міндеттерін қасақана орындамаған борышкерлерге қатысты талдау жүргізу арқылы берешек қарызы жиналған 72 борышкерлердің құмар ойындарына жалпы 274 млн теңге салым салғанын анықтады, деп хабарлайды Egemen.kz.
Аталған факті бойынша облыс прокуратурасы құзырлы органға тиісті шара қолдану үшін ұсыну енгізген.
«Статистикалық мәліметке сәйкес осы жылдың өткен мерзімінде облыс бойынша сот орындаушылардың өндірісінде алиментке қатысты 22 219 атқару құжаттары орындауда болып, нәтижесімен 2 376 аяқталып, 19 843 құжат орындалу сатысында тұр», деп хабарлады өңір прокуратурасы.
Сонымен қатар облыс прокуратурасында алимент төлеуден жалтарған борышкерлерді жауаптылыққа тарту бағытында уәкілетті және қылмыстық қудалау органдарының өзара әрекеттесуі мәселесі бойынша мекемеаралық мәжіліс өткен. Мәжілістің хаттамалық шешімі орындау үшін жауапты мекемелерге жолданған.