Қызылорда облысы Жаңақорған аудандық соты 200 млн теңгеден астам бюджет қаражатын жымқырған тоғыз адамға қатысты үкім шығарды, деп хабарлайды Egemen.kz облыстық прокуратураның баспасөз қызметіне сілтеме жасап.
Сотқа дейінгі тергеп-тексеру амалдарын облыстық прокуратура жүргізген. Сот талқылауы барысында мемлекеттік айыптаушы білім беру жүйесінде жұмыс істемейтін тұлғалардың есепшотына заңсыз ақша аударылғанын дәлелдеген.
«Қылмыстық іс бойынша негізгі айыпталушылар бас бостандығынан айырылса, қалған 7 сыбайластың бухгалтерлік қызметпен айналысу құқығы шектеліп, шартты түрде сотталды. Келтірілген шығын ішінара өтелді», деп хабарлады облыстық прокуратураның баспасөз қызметі.
Сот үкімі заңды күшіне енген жоқ.