Бұл туралы сала министрлігінің шолу мәліметі жарияланды, деп хабарлайды Egemen.kz.
Дзюдо: Ташкент қаласында әскери қызметкерлер арасындағы әлем чемпионатында Ұлттық құрама спортшылары 1 алтын, 1 күміс, 4 қола медаль жеңіп алды.Кёрлинг: Шотландияның Абердин қаласында өтіп жатқан кёрлингтен аралас командалар арасындағы әлем чемпионатында Қазақстан құрамасы алғаш рет жаһандық доданың плей-офф кезеңіне жолдама алды.Теннис: Зарина Диас Түркияның Кайсери қаласында өткен ITF W50 турнирінде жеңімпаз атанды. Ол финалда әлемнің 224-ші, ал аталған жарыстың 3-ракеткасы Беларусь өкілі Алена Фалейді 0:6, 6:4, 6:3 көрсеткішімен ұтты.Аралас жекпе-жек: АҚШ-тың Лас-Вегас қаласында аралас жекпе-жектен UFC Fight Night 245 турнирі өтті. Аталған додада Асу Алмабаев (20-2) бразилиялық қарсыласы Матеус Николауды (19-4-1) төрешілердің бірауыздан қабылдаған шешімімен жеңді.