Алматыда мегаполистің агломерациямен көлік байланысын арттыру аясында 1 қарашадан бастап қала маңындағы қоғамдық көліктердің тағы үш бағыты іске қосылды. Жаңа автобустар Қаскелең мен Ұзынағашқа қатынайтын болады, деп хабарлайды Egemen.kz.
Ұзынағаш ауылы автовокзалы – Төле би – Яссауи аралығындағы №245 бағыт бойынша сыйымдылығы жоғары 25 автобус қатынайтын болады. Қозғалыс 5:45-те басталып, 23:00-де аяқталады. Тасымалдаушы – «Экобус сервис» ЖШС.
Қаскелеңнен «Сәлем» базарына дейінгі №254 бағытта 16 автобус қатынайды. Қозғалыс 5:50-де басталып, 23:00-де аяқталады. Тасымалдаушы – «Мадина» ЖШС.
Б.Момышұлы метро станциясынан Долан ауылына дейінгі №239 бағытта 18 автобус қатынайды. Қозғалыс 5:30 басталып, 23:01-де аяқталады. Тасымалдаушы – «Neo City Trans» ЖШС.
Айта кетейік, жол жүру ақысы қалалық маршруттардағыдай 120 теңге. Барлық автобустар «Оңай» электронды билет жүйесімен жабдықталған.