Измитте орналасқан Түркияның ең ірі мұнай өңдеу зауыты TÜPRAŞ-да жарылыс болды, деп хабарлайды Egemen.kz.
Коджаэли қалалық муниципалитетінің мэрі Тахир Бююкакынның мәлімдеуінше, оқиға жоспарланған жаттығу кезінде болған. Апат салдарынан адамдар зардап шекпеген.
Жергілікті билік өкілдерінің айтуынша, жарылыстан кейін зауыт аумағында өрт шыққан. Жалын тез арада оқшауланып, бақылауға алынған.
Қазіргі уақытта зауыт мамандары мен қауіпсіздік қызметі жарылыстың нақты себептерін анықтап жатыр.