Америкалық Boeing компаниясы бір мезетте 2500 қызметкерін жұмыстан босатты, деп хабарлайды Egemen.kz.
Қысқартуға Вашиңтон, Орегон, Оңтүстік Каролина және Миссури штатындағы инженер, техник, кәсіподақ ұйымының мамандары іліккен. Тіпті кей бөлімшелерде 10 адамның 7-еуі жұмыстан шығарылған.
Әуе компаниясының мұндай шешімге келуіне қарызының тым көбейіп кетуі себеп болған.
Басшылық 17 мың жұмыс орнын, яғни, қызметкерлердің 10%-ын қысқартуды жоспарлап отыр. Ал зардап шеккен мамандарға қаңтар айына дейін жалақы сақталатынын хабарлады.