АСТАНА. 30 сәуір. АҚШ-тың экс-президенті Билл Клинтон мінген De Havilland Canada Dash 7 ұшағы шұғыл түрде Танзания астанасының аэропортына қонды. Себебі, әуе кемесінде ақау орын алған. Бұл туралы lenta.ru хабарлады.
Ұшақтың басқару тетігінде ақау пайда болып, экипаж мүшелері аталған ел астанасының аэропортына қонды. Апаттың салдарынан зардап шеккендер жоқ.
Айта кетейік, Клинтонның әуе лайнері ақауды қалпына келтіріп болған соң Танзанияның солтүстігіндегі Маньяр көліне бет алды.
Жалпы, АҚШ-тың экс-президенті Шығыс Африкаға сапар жасап, ондағы Клинтон қоры қаржыландыратын ауылшаруашылық, білім және денсаулық салалары мен жабайы табиғатты сақтау мәселесін жайында таныспақ. Сондай-ақ, Билл Клинтон қызы екеуі Кения, Либерия және Марокко елдеріне аялдауды жоспарлап отыр.
Талғат Райымбек.
Дерек, сурет: lenta. ru.