Аталған жаңа бағыттар – сауда-экономикалық, іскерлік, туристік ынтымақтастықты одан әрі дамытуға ықпал ететіні сөзсіз, деп хабарлайды Egemen.kz.
Көлік министрлігінің баспасөз қызметінің мәлім етуінше биыл наурыз айынан бастап «Air Astana» әуекомпаниясы Вьетнамға аптасына 4 рет Алматы-Нячанг және аптасына 3 рет Астана-Нячанг бағыттары бойынша және аптасына 3 рет Алматы-Гуанчжоу бағыты бойынша Қытайға жаңа маршруттар ашады.
Көктемгі-жазғы маусымынан бастап «Air Cairo» әуекомпаниясы аптасына 1 рет Қостанай-Шарм-эль-Шейх және аптасына 2 рет Алматы-Хургада бағытында рейстер ашуды жоспарлап отыр, сондай-ақ аптасына 1 рет Алматыдан Эль-Аламейнге рейстерді қайта бастау жоспарланып жатыр.
