Қазақстанның Қаратау ұлттық паркінде көктемнің келуімен Қызыл кітапқа енген сирек өсімдіктер – Алатау бәйшешегі мен Кессельринг лапызы гүлдеді, деп хабарлайды Egemen.kz.
Орман шаруашылығы және жануарлар дүниесі комитетінің мәліметінше, бұл өсімдіктердің ерекше сәндік және дәрілік қасиеттері бар, бірақ олардың табиғатта саны жыл сайын азайып барады. Осы өсімдіктерді сақтау экология мен ғылым үшін үлкен маңызға ие.
Мамандар олардың табиғи мекендеу ортасын қорғауды және заңсыз жинамауды талап етеді. Қаратаудағы бұл сирек өсімдіктердің гүлдену сәті жақында түсіріліп, олардың сақталуының маңызды екенін тағы бір мәрте көрсетті.