Парламент Мәжілісі Төрағасының орынбасары Дариға Назарбаева Италияның Қазақстандағы Төтенше және өкілетті елшісі Стефано Раваньянды оның өтініші бойынша қабылдады.
Тараптар Қазақстан-Италия ынтымақтастығының жайын талқылап, Миланда және Астанада ЭКСПО-2015 және ЭКСПО-2017 халықаралық көрмесін өткізу мәселелерін сөз етті. Парламентаралық байланысты кеңейту мәселелері де назардан тыс қалмады.
Халықаралық күн тәртібіне де айрықша назар аударылды. Стефано Раваньян Қазақстан Президентінің мықты саяси тәжірибесін алға тарта келіп, өзекті халықаралық мәселелерді шешуде көрегендік танытудың маңыздылығына тоқталды, деп хабарлады Мәжілістің баспасөз қызметі.