Олимпиада сайысында бір рет бақ сынаудың өзі үлкен жетістік. Ал жапониялық трамплинші Нориаки Касаи 1992–2018 жылдар аралығында Қысқы Олимпиадаға 8 рет қатысқан.
Қатысып қана қойған жоқ. Ол 1994 жылы Лиллехаммерде командалық жарыста күміс медаль алды. Қайтпайтын Касаи 2014 жылы Сочиде де күміске қол жеткізіп, жанкүйерін қайран қалдырды. Өйткені ол кезде оның жасы 41-де еді. Олимпиадада мұндай жасқа келіп медаль алу өте сирек кездеседі. Себебі трамплинде жылдамдық, секіру дәлдігі, ауадағы тепе-теңдік – бәрі мінсіз болуы керек. Бірақ Касаи уақытқа дес бермей, жасы ұлғайса да бабына келіп отырған.