АСТАНА. 30 маусым. Ұлыбританияда теннистен «Үлкен Дулыға» санатындағы Уимблдон турнирі басталды. Бұл сында еліміздің намысын бес теннисшіміз қорғайды. Ерлер арасындағы бәсекеде Михаил Кукушкин мен Александр Недовесов, ал әйелдер сайысында Зарина Диас, Ярослава Шведова және Юлия Путинцева жарыс жолын шығады. Бұл туралы egemen.kz хабарлады.
Турнир барысында Зарина алғашқы ойынын Италия теннисшісі Флавия Пеннеттаға қарсы өткізді. Жарыстың 24-ракеткасы ретінде сынға түсіп жатқан италиян біздің қызға айтарлықтай қарсылық көрсете алмады. Үш сетке созылған ойында отандасымыз 2:1 (6:4, 2:6, 6:3) есебімен жеңіске жетті. Заринаның келесі айналымдағы қарсыласы – белорус Александра Соснович. Ол өз кезегінде Қытай теннисшісі Чжу Линьнен үш сетте 2:1 есебімен басым түсті.
Сонымен қатар, жарыстың екінші айналымына Юлия Путинцева да жолдама алды. Ол бірінші кездесуінде Жаңа Зеландия өкілі Марина Эраковичті 2:0 (7:6, 7:5) есебімен жеңді. Юлияның келесі қарсыласы атақты Винус Уильямс екенін айта кетейік.
Бүгін Ярослава Шведова хорват қызы Лучич-Барониге қарсы алғашқы ойынын өткізеді. Бұл ойын Астана уақытымен сағат 16:30-ға жоспарланған. Сондай-ақ, Михаил мен Александр да бүгін кортқа шығады. Кукушкин сағат 21:30-да ұлыбританиялық Энди Маррейге қарсы ойнаса, Недовесов серб теннишісі В.Троицкимен күш сынасады (18:30).
Еламан Қоңыр.
Дерек: egemen.kz.
Сурет: instagram.com.