АЛМАТЫ. 30 маусым. Индонезияның «Геркулес» әскери-тасымал ұшағы Медан қаласындағы конақ үйдің үстіне құлады. Мейманхана жанындағы тұрғын үйлер де зардап шекті. Бұл туралы reuters хабарлады.
Апаттың салдарынан алғашқы есеп бойынша 30 адам көз жұмды. Алайда, қайтыс болғандар мен зардап шегушілердің саны артуы мүмкін. Себебі, ұшақтағы экипаж мүшелерінің саны 12 адам, қонақ үй мен сыртта жүрген зардап шегушілердің барлық саны әлі толықтай белгілі болған жоқ.
Медан қаласынан Бунгуран аралына ұшып шыққан әскери ұшақ, көкке көтеріліп үлгермей құлаған.
Дәл осы Медан қаласында 2005 жылдың қыркүйегінде «Боинг-737» жолаушылар тасымалдайтын авиалайнер апатқа ұшырап, борттағы 102 адам мен жердегі 47 тұрғын қаза тапқан болатын.
Талғат Сүйінбай.
Дерек, сурет: Reuters.