ҚЫЗЫЛОРДА. 26 тамыз. Қызылорда облысында жергілікті ауыл шаруашылығы тауарларын өндірушілер өңірдегі тұрақтандыру қорының қоймаларын картоппен толтыруға қол ұшын бермек. Бұл туралы egemen.kz тілшісі хабарлады.
Тұрақтандыру қорының операторы – «Қаржы компаниясы» ЖШС-нің мәліметіне сүйенсек, фьючерстік шарт жасасқан шаруа қожалықтары картоптың алғашқы бөлігін қазан айының басында жеткізе бастайды.
«Тұрақтандыру қоры Қызылорда қаласы мен Жаңақорған ауданының 5 шаруа қожалығынан 550 тонна картоп сатып алады. Қазір қоймада Солтүстік Қазақстаннан жеткізілген 800 тонна картоп бар, жалпы, 1350 тонна өнім сатып алуымыз қажет», – дейді «Қаржы компаниясы» ЖШС директорының орынбасары Лаура Жанасбаева.
Ержан Байтілес.
Дерек: egemen.kz.
Сурет: «ҚазАқпарат».