АСТАНА. 2 сәуір. Қызылорда қаласында өзін өзі өлтіру мақсатында көпірден Сырдария өзеніне секірген 24 жастағы қызды полицейлер құтқарып қалды. Бұл туралы mail.ru хабарлады.
Әлгі азаматша өзенге шамамен 20 метр биіктіктен өзін өзі тастаған.
Оқиға орын алған маңнан өтіп бара жатқан кезекші экипаждың мүшелері – учаскелік полицей Дәурен Ибатаев, жол-патруль қызметінің қызметкерлері Мақсат Желдербаев пен Қуаныш Жүсіпов суға батып бара жатқан қызды дер кезінде құтқарып қалған.
Қазір бойжеткен қалалық аурухананың жансақтау бөлімінде жатыр. Дәрігерлер оның өмірін сақтап қалу үшін күресуде.
Тағы бір дерек, өзін өзі өлтірмек болған қыз Астана қаласының тұрғыны екен. Оның неге өмірмен қоштаспақ болғаны әзірге белгісіз.
Талғат Райымбек.
Дерек, сурет; mail.ru.