Ұлттық қор құжаттары электронды мұрағатқа көшірілмек

Қызылорда облысы әкімінің қолдауымен Сыр аймағындағы ұлттық мұрағат қорына жататын құжаттар электронды мұрағатқа көшірілмек. Облыстық мұрағат қорындағы құжаттарды сандық үлгіге көшіру мақсатында жергі­лікті бюджеттен 32 млн. 974 мың теңге қаржы қаралып, осы бағдар­ламамен жұмыс жасайтын ақпараттық технологиялар бөлімі үшін 4 штаттық бірлік берілген. Сыр аймағындағы мұрағаттар қорларындағы құжаттарды сан­­дық үлгіге көшіруге байланысты бө­­­лін­ген қаржыға сәйкес тендер жария­ланып, нәтижесінде “Лето­граф ИТ Консалтинг Қазақстан қызметі” ЖШС жеңімпаз болып танылады. Летограф жүйесінің ерекше­лігі – бағдарламалық кодқа өз­геріс енгізуді талап етпейді, қа­жетті­лі­гіне қарай қызметін өз­гертуге бо­лады,-дейді “Летограф ИТ Кон­салтинг Қазақстан қыз­меті” ЖШС директорының орынбасары М.Прокопьева. Бүгінде электронды мұрағат үшін арнайы автоматтан­ды­рыл­ған бағдарламаны орнатуға Ре­сей­дің Мәскеу қаласы мен Алма­­тыдан арнайы атбасын бұрған мамандар щұғыл кірісіп те кетті. Еркін ӘБІЛ. Қызылорда.

* * *

60 қол арба сыйлады

Облыс орталығындағы “Ба­қыт бағанасы” ескерткішінің ала­ңын­да “Бірлігіміз жарасқан!” респуб­ли­ка­лық акциясы аясында ақтө­беліктер айта жүретіндей әдемі шара өтті. Шараға қа­тыс­қан Ден­саулық сақтау  министр­лігі жа­нындағы “Денсаулық сақ­тау ин­вестициялық жобаларын басқару ор­талығы”ЖШС-нің бас менед­жері Арынғазы Беркімбаев өзінің қаржысы есебінен 60 мү­гедек адамға қоларба сыйлады. Ақтөбе қа­ласы әкімінің орынба­са­ры Сә­ния Қалдығұлова жергі­лікті би­лік­тің мүмкіндігі шектеу­лі мүгедек жандарға қайырым­ды­лық жасау мақсатында ұйым­дар­мен, кәсі­п­ор­ындармен, кә­сіп­керлермен бір­лесе жұмыс жасап отырғанын жеткізді. Атымтай жомарттық та­­нытқан азамат Арынғазы Беркім­баев қала әкімдігімен ақылдаса ке­ліп, мүмкіндігі шектеулі жан­дарға қайырымдылық көмек көр­сетуді шешкенін, мұның ақтөбе­ліктерге деген аз ғана қолдауы екенін айтты. Өз кезегінде сөз алған облыстық мүгедектер ұйы­мы­ның төрағасы Федор Чемо­данов пен сал ауруларына шал­дық­­қан азаматтарды қорғау қоға­мының төрайымы Құралай Бәй­менова оған қайырымдылық көме­гі үшін ризашылық білдірді. Сатыбалды СӘУІРБАЙ. Ақтөбе облысы.