Кеше Бурабайдағы “Самал” сауықтыру-демалыс орталығында Қазақстанның есірткіге қарсы күштерінің ІІ халықаралық семинар-форумы жұмысын бастады. Оны “Саламатты Қазақстан” республикалық қоғамдық ұйымының президенті, профессор София Евдокимова кіріспе сөзбен ашты. Ақмола облыстық ішкі саясат басқармасының бастығы Гүлжанар Болатова форумға қатысушыларды құттықтап, табыс тіледі.
Жастар ортасында есірткіден, ішімдіктен және шылым шегуден аулақ болу қағидаттарын қалыптастыру, оның алдын алу жолдарын талқылауды мақсат еткен бес күндік форумға төрт жүзге жуық адам қатысуда. Семинарлық сабақтарда Ресей, Белоруссия, Литва, Израиль, АҚШ, Қазақстан ғалымдары мен психологтары бірнеше тақырыпта шеберлік-сыныптар өткізеді.
Бақберген АМАЛБЕК, Ақмола облысы.