Екі жетіге күш жетеді
29 қазан мен 14 қараша аралығында Жапонияда волейболдан әйелдер арасындағы әлем чемпионаты өтеді. Оған 24 елдің ұлттық құрамалары қатысады.
Жарыстың бірінші кезеңі 5 күнге созылады. Бұл сында Қазақстан “С” тобында АҚШ, Куба, Германия, Хорватия және Тайланд командаларымен ойнайды. Осы топтан суырылып шықса, отандастарымыз “А”, “В”, “D” тобының үздік командаларымен бірге 6-10 қараша аралығында өтетін әлем чемпионатының екінші кезеңінде күш сынасады. Оған 16 елдің командасы қатысады. Содан кейін олардың арасынан 12 команда іріктеліп, плей-офф бәсекесінде өзара өнер көрсетеді. Одан әрі ең үздік 4 елдің командасы жүлделі орындар үшін бәсекеге түссе, қалғандары 5-12 орындар үшін таласады.
Әлем чемпионатындағы алғашқы ойынын Қазақстан Германия құрамасымен өткізеді.