Парламент Сенатының Төрағасы Қасым-Жомарт Тоқаев Қытай Халық Республикасының Қазақстандағы Төтенше және өкілетті елшісі Чжоу Лиді қабылдады, деп хабарлады Сенаттың баспасөз қызметі.
Төраға дипломатты елші лауазымына тағайындалуымен құттықтады және оның қызметі біздің елдеріміз арасындағы көп тарапты ынтымақтастықты нығайтуға жәрдемдесетініне сенім білдірді. Қазақстан-Қытай қарым-қатынастарындағы қол жеткен саяси сенім мен экономикалық ынтымақтастықтың жоғары деңгейін атап өте келіп, Қ.Тоқаев “байланыстардың өрістей түсуі біздің мемлекеттер басшыларының өзара сапарларымен айқындалады және екі халықтың мүдделеріне толығымен сай келеді”, деді.
Төрағаның айтуынша, Қазақстан парламентшілері Халық өкілдерінің бүкілқытайлық жиналысы депутаттарымен парламенттік үнқатысуды одан әрі белсенділендіруді жақтайды. “Біз салалық комитеттер деңгейіндегі байланыстарды нығайтуға, құрамында достық тобының мүшелері бар делегациялар алмасуға мүдделіміз”, – деді Қ.Тоқаев. Қазақстан мен Қытай түрлі халықаралық ұйымдар мен форумдар, атап айтқанда, Шанхай ынтымақтастық ұйымы (ШЫҰ) аясында өзара табысты іс-қимылды жалғастырып келеді. Төраға қазіргі кезде Қазақстан төрағалық етіп отырған ұйымның Орталық Азия аймағындағы өзекті мәселелерді шешуде әлеуеті зор екенін атап көрсетті. Ол сондай-ақ ШЫҰ-ға мүше мемлекеттер басшылары кеңесінің кезекті мерейтойлық отырысы 2011 жылы Астанада болады және ол ұйымның 10 жылдығына арналады.
Елші Чжоу Ли Сенат Төрағасына ХӨБЖ Тұрақты комитетінің төрағасы У Бангоның ізгі тілектестігін жеткізді. “Қазақстан-Қытай қарым-қатынастары өзінің даму тарихындағы жақсы кезеңдерін бастан өткеріп отыр”, – деді елші және осыған байланысты Қазақстан мен ҚХР басшыларының негізгі рөлін атап өтті. Қытай дипломаты біздің еліміздің халықаралық аренадағы күш-жігері мен табыстарын жоғары бағалады және Қазақстанның ЕҚЫҰ-ға табысты төрағалық етіп келе жатқанын жеткізді.