АСТАНА. 9 ақпан. Германияның Бавария жеріндегі Бад-Айблинг қаласы маңында пойыздар бір-бірімен соқтығысып қалды. Бұл туралы «Россия 24» телеарнасы мәліметіне сүйенген egemen.kz тілшісі хабарлады.
Оқиға 9 ақпан күні таңертең сағат 7 кезінде орын алған. Осы уақытта бір-бірлеріне қарама-қарсы келіп қалған пойыздар соқтығысқан. Мәлімет бойынша, апат салдарынан 8 адам қаза тапқан. Жалпы, 150 адамның зардап шеккендері айтылып жатыр.
Бірақ уақыт өткен сайын жантәсілім еткендер санының ұлғайып келе жатқаны байқалады.
Қазір оқиға орнында құтқарушылардың бірнеше бригадасы жұмыс жасауда. Сондай-ақ 100 құтқарушы мен дәрігерлер осында жүр.
Оқиға болған бойда бұл жерде пойыздар қозғалысы тоқтатылды.
Апаттың себебі анықталып жатыр.
Талғат Райымбек.
Дерек, фото: Россия 24