ҚЫЗЫЛОРДА. 3 наурыз. Арал ауданында Қарашалаң балық сервистік-дайындау орталығы жұмысын бастады. Бұл туралы egemen.kz тілшісі хабарлады.
Зауыттың жылдық балық өңдеу қуаттылығы 3000 тоннаға есептелген. Мұнда 50-ден астам жергілікті тұрғын тұрақты жұмыспен қамтылған. Зауыттың жұмысымен облыс әкімі Қырымбек Көшербаев танысып, балықшылармен кездесті. Жалпы Қызылорда облысында жылдық қуаттылығы 11 мың тонна болатын 8 балық өңдеу зауыты жұмыс істейді. Бұл 300-ден астам адамды тұрақты жұмыспен қамтуға мүмкіндік беруде. Цехтың материалдық техникалық базасы - қатырылған балықты 300 тоннаға дейін сақтай алады. Ал, балықты тез қатыратын мұздатқыш құрылғысы тәулігіне 50 тоннаға дейін қабылдайды. Айта кетейік, сервистік кешен құрылысы жеке құрылтайшылардың қаржысы есебінен салынған.
Өткен жылдың өзінде облыста 8,4 мың тонна балық ауланды.Соңғы екі жылда балық өнімдерінің экспорты 45 пайызға, оның ішінде Евроодақ елдеріне – екі есеге өсті. 2015 жылы құны 4,6 млн. АҚШ долларын құрайтын 867 тонна балық Европа елдеріне және құны 202 мың АҚШ долларын болатын 920 тонна өнім Ресейге жөнелтілген.
Ержан Байтілес.
Дерек, сурет: egemen.kz