Тыныштық. Жүрекке тым ыстық!

Әлемнің беделді мемлекет басшыларын Астана қаласында бір шаңырақ астына жинап ЕҚЫҰ Саммитін үлкен табыспен өткізу барлық қазақстандықтардың мақтанышына айналды. Кең ау­қым­ды алқалы жиынның сәтті өтуіне елордамыздың сақшылары да бар күш-қуатын жұмсады. Нәтижесінде олардың бірқатары мемлекеттік наградаға ие болды. Солардың ішінде ІІ-ші дәрежелі Даңқ орденімен Астана қалалық ішкі істер департаментінің бастығы, полиция генерал-майоры Марат Демеуов те марапат­тал­ды. Осы орайда елордамыздың бас сақ­шысына жолығып, қа­ла­дағы криминогендік жағдай туралы сұраудың сәті де түскен еді. – Марат Ғанұлы, өткен жы­лы әлем көз тіккен ЕҚЫҰ Саммитін ойдағыдай өткізуде Астана қалалық ІІД қызметкерлері қажырлы қайрат таныта білді. Енді алда тұрған көптеген ірі шараларға дайындық тағы бас­талып кетті. Жалпы бүгінгі таң­да қаладағы қылмыстық ахуал қандай? – Елбасының нұсқауына сәйкес құқық қорғау саласын жетілдіру, қылмыспен күрес және оны бол­дырмау мен қоғамдық қауіпсіздікті қамтамасыз ету мақсатында жү­ріп жатқан реформа өз жемісін бере бастады. Елорда аумағында қыл­­мыстық ахуал тұрақты. Аса ауыр, оның ішінде адам өлтіру, денеге ауыр зақым келтіру және бопсалау қылмыстарының саны өт­кен жылмен салыстырғанда, аз­ай­ды. Қылмыстардың барлық тү­рін ашу деңгейі жоғарылады. 2 ұйым­дас­қан қылмыстық топтың көзі жойылды. – Қоғамдық қауіпсіздікті қам­тамасыз етуге қаншалықты күш тартылуда? – Астанада қоғамдық қауіпсіз­дік­ті қамтамасыз ету үшін полиция наряды мен қоғамдық көмек­шілердің жұмысына баса назар аударылады. Күн сайын көшеге мыңнан астам қызметкер мен 200 әскерилер шығып, тұрғындардың тыныштығын қамтамасыз етеді. Осының арқасында көше мен қоғамдық орындардағы заң бұзу­шылық едәуір төмендеді. – Қылмыстың алдын алуда оған халықтың атсалысуы қалай? – Қылмыстың алдын алуға және ашуға халықтың тікелей ат­са­лысуы, қоғамдық көмекшілердің полицейлерге қолғабыс беруі– қо­ғамдық тәртіпті қамтамасыз етуде өте тиімді жол. Бұны басым бағыт ретінде Мемлекет басшысы да Жолдауда қадап көрсетті. Елордада 500-ден астам консьерж жұмыс істейді. Өткен жылы олардың көмегімен 158 қылмыстың беті ашылды. Бұған қоса қаламыздағы 10-нан астам жоғары оқу орын­дарында қоғамдық көмекшілер бар. Олар кез-келген ұрлық, тонау немесе әлімжеттік оқиғалары кездесе қалса, полицияға хабар беріп, қылмыстық әрекеттің алдын-алуға немесе тез арада ашылуына септігін тигізеді. – Қоғам тарапынан полиция жұмысын бақылап, оларға ке­ңес беріп отыратындар бар ма? – Әрине, бар. Бүгінде Астана қалалық ІІД жанынан құрылған қоғамдық кеңес жұмыс істеп жа­тыр. Бұл институт полицейлерге деген қоғам көзқарасын түпкі­лікті өзгерту үстінде. Қоғамдық кеңесте әрбір шағым, әрбір арыз тың­ғылықты тексеріледі, орынды пікірлер, қылмыспен күресудің тиімді тәсілдері айтылады. Кеңес­ке белгілі қоғам қайраткерлері, заң­герлер мүше болғандықтан олар қоғамдағы өзекті тақы­рып­тарды қозғап, ішкі істер орган­дары жұ­мысын оңтайландыруға әсер етуде. Біз бұл бастамалармен шектеліп қалмаймыз. Алдағы күн­­дері учаскелік инспекторлар­дың жұмы­сын жандандыру үшін респуб­ликалық «Мен сіздің учаскелік инспекторыңызбын» атты шара­ның кезекті кезеңі баста­ла­ды. Осы ша­раға қоғамдық көмек­ші­лерді көп­теп тартуды жоспарлап отырмыз. Әңгімелескен Александр ТАСБОЛАТОВ.