АСТАНА. 11 сәуір. Тегеран қаласында Қазақстан мен Иран іскерлік кеңесі өтті. Бұл туралы egemen.kz тілшісі хабарлады.
Оның қорытындысы бойынша екі ел арасында шамамен 1 млрд. АҚШ доллары сомасына 50 келісімге қол қойылды.
Іскерлік кеңестің отырысы Президент Нұрсұлтан Назарбаевтың Иран Ислам Республикасына сапары аясында болып өтті. Оған Қазақстан мен Ираннан 200-ден астам компания қатысты.
Отырыстың қорытындысы бойынша екі елдің бизнесмендері шамамен $1 млрд. сомасына ынтымақтастық туралы 50 келісімге қол қойды.
Соның ішінде $304 млн. сомасына 9 құжатқа «Бәйтерек» холдингінің тобы мен оның әріптестері қол қойды.
Қазақстандық-ирандық іскерлік кеңестің тең төрағасы «Бәйтерек» холдингінің басқарма төрағасы Қуандық Бишімбаевтың айтуынша, Қазақстан мен Иран арасындағы екіжақты қатынастың белсенді дамуына екі елдің мемлекет басшылары үлкен рөл атқарды.
Дастан Кенжалин.
Дерек: egemen.kz
Фото:baiterek.gov.kz
baiterek.gov.kz