АСТАНА. 11 сәуір. Қазақстан Президенті Нұрсұлтан Назарбаев Иран Ислам Республикасының рухани көшбасшысы Әли Хаменеймен кездесті. Бұл туралы akorda.kz-ке сілтеме жасаған egemen.kz тілшісі хабарласты.
Кездесу барысында екі ел ынтымақтастығын одан әрі нығайту жолдары талқыланды.
Мемлекет басшысы Қазақстан мен Иран халықтарын ежелден қалыптасқан әлеуметтік-экономикалық және рухани қарым-қатынас байланыстыратынын айтты.
Тараптар халықаралық күн тәртібіндегі мейлінше өзекті мәселелер жөнінде де пікір алмасып, терроризммен және экстремизммен күрестің маңыздылығын атап өтті.
Нұрсұлтан Назарбаев пен Әли Хаменей Қазақстан-Иран қарым-қатынасының сауда және инвестиция, бірлескен жаңа жобалар жасау салаларындағы даму қарқынына қанағаттанушылық білдіріп, осының бәрі екі елдің халқының достығын нығайту жолындағы берік негіз қызметін атқаратынын айтты.
Талғат Райымбек.
Дерек, фото: akorda.kz.