Азиада алауы қаңтардың 26-сы күні Талдықорғанға да жетті. Ұшақтан облыс әкімі Серік Үмбетов бастаған жанкүйерлер қарсы алып, баспасөз мәслихаты өтті. Алау эстафетасын өткізу жөніндегі үйлестіру кеңесінің жетекшісі Сәрсен Құранбек өңірлердегі кездесулер жайына тоқталды. Оның айтуынша, Жетісу жері спортты дамыту мен саламатты өмір салтын қалыптастыруда өзгелерге үлгі болып, алғы шептен көрінген.
Спорт алаңына 27 қаңтар күні жиналған жанкүйерлер алдында сөйлеген облыс басшысы спортшылардың тек жеңістерге жетіп, биіктерден көрінулеріне тілектестігін білдірді. Бұдан соң Серік Әбікенұлы алау құтысын алғашқы болып алып жүру құрметіне ие болды.
Алауды алып жүруді еліміздің көкбайрағын өзге мемлекеттерде биікке көтеріп, әнұранды шырқатқан Олимпиада чемпиондары жалғастырды. Олардың қатарында дзюдо күресінен Олимпия ойындарының қола жүлдегері Айдын Смағұлов, Олимпиаданың қола жүлдегері Маулен Мамыров, грек-рим күресінен Әлем кубогының қола жүлдегері Нұрмахан Тінәлиев, Халық Каһарманы Азамат Жұмаділов, спорт меценаты Жанайдар Егінбаев, грек-рим күресінен Олимпиада чемпионы Юрий Мельниченко, Олимпия ойындарының күміс жүлдегері Асхат Жіткеев, грек-рим күресінен Олимпиаданың қола жүлдегері Нұрбақыт Теңізбаев, ауыр атлетикадан әлем чемпионы Владимир Седов және өнер мен еңбекте алда жүрген жетісулықтар болды.
Эстафета салтанатында ежелгі ұлттық спорт түрі – саятшылықпен айналысқан жеті азамат бүркіттерімен, қос өркешті аруаналар мен сәйгүлік мінген шабандоздар қошеметтеп сап түзеп, бірге жүрді. Тәуелсіздік символы «барыс та» алаушылар қатарынан табылды.
Алаугерлер орталық алаңнан Тәуелсіздік, Ілияс Жансүгіров, Қаратал шағын аудандарындағы көше бойларымен Қысқы Азияда логотипімен безендірілген велосипед, автокөлік секілді қозғалыс құралдарымен қатар жүріп отырды. Осы сәттерде өңірдегі шешен, ұйғыр, орыс және басқа да мәдени орталық өнерпаздары сырнайлатып, әндетсе, студенттер «Қара- жорғаны» мың бұрала билеп, қошеметтеді.
Олимпиада ойындарының салтанаты түстен кейін «Жастар» спорт сарайында жалғасып, Алау осында жеткізілді. Осы күні салтанатқа алпыс мыңнан астам шаһарлықтар қатысып, алаугерлер мен спорт жеңімпаздарына қошемет көрсетіп, ізгі тілектерін өрбітті.
Қасиетті алау кешкісін Қарағандыға жол тартты.
Күмісжан БАЙЖАН, Алматы облысы.
Азиада алауы қаңтардың 26-сы күні Талдықорғанға да жетті. Ұшақтан облыс әкімі Серік Үмбетов бастаған жанкүйерлер қарсы алып, баспасөз мәслихаты өтті. Алау эстафетасын өткізу жөніндегі үйлестіру кеңесінің жетекшісі Сәрсен Құранбек өңірлердегі кездесулер жайына тоқталды. Оның айтуынша, Жетісу жері спортты дамыту мен саламатты өмір салтын қалыптастыруда өзгелерге үлгі болып, алғы шептен көрінген.
Спорт алаңына 27 қаңтар күні жиналған жанкүйерлер алдында сөйлеген облыс басшысы спортшылардың тек жеңістерге жетіп, биіктерден көрінулеріне тілектестігін білдірді. Бұдан соң Серік Әбікенұлы алау құтысын алғашқы болып алып жүру құрметіне ие болды.
Алауды алып жүруді еліміздің көкбайрағын өзге мемлекеттерде биікке көтеріп, әнұранды шырқатқан Олимпиада чемпиондары жалғастырды. Олардың қатарында дзюдо күресінен Олимпия ойындарының қола жүлдегері Айдын Смағұлов, Олимпиаданың қола жүлдегері Маулен Мамыров, грек-рим күресінен Әлем кубогының қола жүлдегері Нұрмахан Тінәлиев, Халық Каһарманы Азамат Жұмаділов, спорт меценаты Жанайдар Егінбаев, грек-рим күресінен Олимпиада чемпионы Юрий Мельниченко, Олимпия ойындарының күміс жүлдегері Асхат Жіткеев, грек-рим күресінен Олимпиаданың қола жүлдегері Нұрбақыт Теңізбаев, ауыр атлетикадан әлем чемпионы Владимир Седов және өнер мен еңбекте алда жүрген жетісулықтар болды.
Эстафета салтанатында ежелгі ұлттық спорт түрі – саятшылықпен айналысқан жеті азамат бүркіттерімен, қос өркешті аруаналар мен сәйгүлік мінген шабандоздар қошеметтеп сап түзеп, бірге жүрді. Тәуелсіздік символы «барыс та» алаушылар қатарынан табылды.
Алаугерлер орталық алаңнан Тәуелсіздік, Ілияс Жансүгіров, Қаратал шағын аудандарындағы көше бойларымен Қысқы Азияда логотипімен безендірілген велосипед, автокөлік секілді қозғалыс құралдарымен қатар жүріп отырды. Осы сәттерде өңірдегі шешен, ұйғыр, орыс және басқа да мәдени орталық өнерпаздары сырнайлатып, әндетсе, студенттер «Қара- жорғаны» мың бұрала билеп, қошеметтеді.
Олимпиада ойындарының салтанаты түстен кейін «Жастар» спорт сарайында жалғасып, Алау осында жеткізілді. Осы күні салтанатқа алпыс мыңнан астам шаһарлықтар қатысып, алаугерлер мен спорт жеңімпаздарына қошемет көрсетіп, ізгі тілектерін өрбітті.
Қасиетті алау кешкісін Қарағандыға жол тартты.
Күмісжан БАЙЖАН, Алматы облысы.
Соңғы жаңалықтар
Жаңа тариф жергілікті халыққа тиімді
Табиғат • Кеше
Қарағанды облысында алты жасар бала өзенге батып кеткен
Төтенше жағдай • Кеше
Анасы түрмедегі ұлына телефон кіргізбек болған
Қоғам • Кеше
Роза Рымбаева жаңа атаққа ие болды
Мәдениет • Кеше
