Мемлекет басшысының атына Оңтүстік Қазақстан облысының Шардара қаласының тұрғыны Құрбанбай Изтұрғановтан да хат келді. Хат авторы Елбасының президенттік өкілеттігін 2020 жылға дейін ұзарту жөніндегі бастамашы топтың ұсынысын қолдайтынын жазады, деп хабарлады Қазақстан Республикасы Президентінің баспасөз қызметі.
Ол өз хатында Президенттің мемлекетімізді нығайтудағы, Қазақстанды дүние жүзіне танытудағы орасан еңбегін және жүргізіп келе жатқан көреген саясатының арқасында Тәуелсіздік жылдарында қол жеткізген жетістіктерді атап көрсетеді. Сондай-ақ, Қазақстан халқының мәртебесін биіктетіп, егемен елдің беделін асқақтатып жүрген Тұңғыш Президент – Елбасы Н.Ә.Назарбаевтың басшылығымен атқарылған игі істерді жыр жолдарына арқау еткен.